Isaias 14:12-14

Magandang Balita Biblia (with Deuterocanon)

¹² “O^(A) Maningning na Bituin sa umaga,
    anak ng Bukang-liwayway!
Bumagsak ka rin sa lupa, at nahulog mula sa langit.
    Ikaw na nagpasuko sa mga bansa!
¹³ Hindi^(B) ba't sinabi mo sa iyong sarili?
    ‘Aakyat ako sa langit;
at sa ibabaw ng mga bituin ng Diyos,
    ilalagay ko ang aking trono.
Uupo ako sa ibabaw ng bundok
    na tagpuan ng mga diyos sa malayong hilaga.
¹⁴ Aakyat ako sa ibabaw ng mga ulap,
    papantayan ko ang Kataas-taasan.’