Isaias 17:10-12

Ang Biblia, 2001

¹⁰ Sapagkat kinalimutan mo ang Diyos ng iyong kaligtasan,
    at hindi mo inalala ang Malaking Bato ng iyong kanlungan.
Kaya't bagaman nagtatanim ka ng mabubuting pananim,
    at naglagay ka ng ibang sangang pananim.
¹¹ Bagaman sa araw ng iyong pagtatanim ay iyong inalagaan,
    at pinamumulaklak mo ang mga iyon sa kinaumagahan,
gayunma'y mawawala ang ani
    sa araw ng kalungkutan at walang lunas na hapdi.
¹² Ah, ang ingay ng maraming bansa,
    na umuugong na gaya ng ugong ng mga dagat;
Ah, ang ingay ng mga bansa,
    na nagsisiugong na parang ugong ng bugso ng malakas na mga tubig!