Isaias 19:2-4

Magandang Balita Biblia (with Deuterocanon)

² Ang sabi ni Yahweh:
“Paglalaban-labanin ko ang mga Egipcio:
    Kapatid laban sa kapatid,
    kasama laban sa kasama,
    lunsod laban sa lunsod, kaharian laban sa kaharian.
³ Masisiraan ng loob ang mga Egipcio,
    at guguluhin ko ang kanilang mga balak,
hihingi sila ng tulong sa mga diyus-diyosan,
    sa mga mangkukulam, sa mga nakikipag-usap sa espiritu ng patay at manghuhula.
⁴ Ibibigay ko ang Egipto sa kamay ng isang malupit na panginoon;
isang mabagsik na hari ang sasakop sa kanila.”
    Ito ang sabi ni Yahweh na Makapangyarihang Panginoon.