Isaias 19:6-8

Magandang Balita Biblia (with Deuterocanon)

⁶ Babaho ang mga kanal,
    ang Ilog Nilo ng Egipto ay mauubusan ng tubig,
    at matutuyo rin ang mga tambo at mga talahib.
⁷ Malalanta ang mga halaman sa pampang ng Nilo,
itataboy ng hangin, at hindi na muling makikita.
⁸ Magluluksa ang mga mangingisda,
    at mananaghoy ang lahat ng namimingwit,
    ang mga naghahagis naman ng lambat ay manlulupaypay.