Isaias 2:5-7

Ang Biblia, 2001

⁵ O sambahayan ni Jacob,
    halikayo at tayo'y lumakad
    sa liwanag ng Panginoon.

⁶ Sapagkat tinanggihan mo ang iyong bayan,
    ang kay Jacob na sambahayan,
sapagkat sila'y punô ng mga manghuhula mula sa silangan,
    at mga mangkukulam na gaya ng mga Filisteo,
    at sila'y nakikipagkamay sa mga anak ng mga dayuhan.
⁷ Ang kanilang lupain naman ay punô ng pilak at ginto,
    at walang katapusan ang kanilang mga kayamanan;
ang kanila namang lupain ay punô ng mga kabayo,
    at ang kanilang mga karwahe ay wala ring katapusan.