Isaias 23:9-11

Magandang Balita Biblia

⁹ Si Yahweh na Makapangyarihan sa lahat ang nagplano nito
    upang hamakin ang kanilang kataasan
    at hiyain ang mga taong dinadakila ng sanlibutan.
¹⁰ Kayong mangangalakal ng Tarsis,
    sakahin na ninyo^[a] ang inyong lupain na tulad ng Nilo,
    sapagkat wala nang gagambala sa inyo.
¹¹ Ang parusa ni Yahweh ay abot hanggang sa ibayong dagat
    at ibinagsak ang mga kaharian;
iniutos na niyang wasakin ang mga kuta sa Canaan.