Isaias 24:11-13

Magandang Balita Biblia (with Deuterocanon)

¹¹ Sa mga lansangan ay sumisigaw sila dahil kulang ng alak,
    nawala na ang kagalakan at nauwi sa kalungkutan;
    lahat ng kasayahan ay napawi sa lupa.
¹² Naguho na ang buong lunsod,
    ang pinto nito'y nagkadurug-durog.
¹³ Ganyan din ang mangyayari sa lahat ng bansa sa buong daigdig;
parang puno ng olibo matapos lagasin ang bunga,
    tulad ng ubasan matapos ang anihan.