Isaias 24:18-20

Ang Biblia (1978)

¹⁸ At mangyayari, na siyang tumatakas sa kakilakilabot na kaingay ay mahuhulog sa hukay; at siyang sumasampa mula sa gitna ng hukay ay mahuhuli sa silo: sapagka't ang mga dungawan ^(A)sa itaas ay nangabuksan, at ang mga patibayan ng lupa ay ^(B)umuuga.

¹⁹ Ang lupa ay nagibang lubos, ang lupa ay lubos na nasira, ang lupa ay nakilos ng di kawasa.

²⁰ Ang lupa ay ^(C)gigiray na parang lango, at mauuga na parang dampa; ^(D)at ang kaniyang pagsalangsang ay magiging mabigat sa kaniya, at mabubuwal, at hindi na magbabangon.