Isaias 25:5-7

Ang Biblia (1978)

⁵ Gaya ng init sa tuyong dako patitigilin mo ang ingay ng mga taga ibang lupa; gaya ng init sa pamamagitan ng lilim ng alapaap, matitigil ang awit ng mga kakilakilabot.

⁶ At ^(A)sa bundok na ito ay gagawa ang Panginoon ng mga hukbo sa lahat ng mga bayan, ng isang ^(B)kapistahan ng mga matabang bagay, ng isang kapistahan ng mga alak na laon, ng mga matabang bagay na puno ng utak, ng mga alak na laon na totoong sala.

⁷ At kaniyang aalisin sa bundok na ito ang takip na nalagay sa lahat ng mga bayan, at ^(C)ang lambong na naladlad sa lahat na bansa.