Isaias 25:6-8

Ang Salita ng Dios (Tagalog Contemporary Bible)

⁶ Dito sa Bundok ng Zion, ang Panginoong Makapangyarihan ay maghahanda ng isang piging para sa lahat. Masasarap na pagkain at inumin ang kanyang inihanda. ⁷ At sa bundok ding ito, papawiin niya ang kalungkutan^[a] ng mga tao sa lahat ng bansa. ⁸ Aalisin din ng Panginoong Dios ang kamatayan at papahirin niya ang mga luha ng lahat ng tao. Aalisin niya ang kahihiyan ng kanyang mga mamamayan sa buong mundo. Mangyayari nga ito dahil sinabi mismo ng Panginoon.