Isaias 29:5-7

Ang Biblia, 2001

⁵ Ngunit ang karamihan sa iyong mga kaaway ay magiging gaya ng munting alabok,
    at ang karamihan ng mga malulupit ay gaya ng ipang inililipad ng hangin.
At sa isang iglap, bigla,
⁶     ikaw ay dadalawin ng Panginoon ng mga hukbo
na may kulog, at may lindol, at ng malaking ingay,
    ng ipu-ipo at bagyo, at ng liyab ng tumutupok na apoy.
⁷ At ang karamihan ng lahat ng mga bansang nakikidigma laban sa Ariel,
    lahat na lumaban sa kanya at sa kanyang kuta, at ang nagpapahirap sa kanya,
    ay magiging gaya ng panaginip, ng isang pangitain sa gabi.