Isaias 3:14-16

Ang Biblia, 2001

¹⁴ Ang Panginoon ay papasok sa paghatol
    kasama ng matatanda at mga pinuno ng kanyang bayan:
“Kayo ang lumamon ng ubasan,
    ang samsam ng mga dukha ay nasa inyong mga bahay.
¹⁵ Anong ibig ninyong sabihin na inyong dinudurog ang aking bayan,
    at ginigiling ang mukha ng mga dukha?” sabi ng Panginoong Diyos ng mga hukbo.

Sapagkat ang mga anak na babae ng Zion ay mapagmataas,
    at nagsisilakad na may naghahabaang mga leeg,
    at mga matang nagsisiirap,
na lumalakad na pakendeng-kendeng habang humahayo,
    at ipinapadyak ang kanilang mga paa;