Isaias 31:4-6

Ang Salita ng Dios (Tagalog Contemporary Bible)

⁴ Ito ang sinabi sa akin ng Panginoon, “Walang makakapigil sa leon sa paglapa niya sa kanyang biktima kahit na magsisigaw pa ang mga nagbabantay ng mga hayop. Katulad ko rin, walang makakapigil sa akin para ingatan ang Bundok ng Zion. ⁵ Ako ang Panginoong Makapangyarihan, babantayan ko ang Jerusalem na parang ibon na nagbabantay sa kanyang pugad. Iingatan ko ito, ililigtas, at hindi pababayaan.”

⁶ Mga Israelita, magbalik-loob kayo sa Panginoong labis na ninyong sinuway.