Isaias 33:18-20

Magandang Balita Biblia (with Deuterocanon)

¹⁸ Mawawala na ang kinatatakutang
    mga dayuhang tiktik at maniningil ng buwis.
¹⁹ Mawawala na rin ang mga palalong dayuhan
    na hindi maunawaan kung anong sinasabi.
²⁰ Masdan mo ang Zion, ang pinagdarausan natin ng mga kapistahan!
    Masdan mo rin ang Jerusalem,
    mapayapang lugar, magandang panahanan.
Ito'y parang matatag na toldang ang mga tulos ay nakabaon nang malalim
    at ang mga lubid ay hindi na kakalagin.