Isaias 33:20-22

Ang Salita ng Dios (Tagalog Contemporary Bible)

²⁰ Tingnan ninyo ang Zion, ang Jerusalem, ang lungsod na pinagdarausan natin ng ating mga pista. Makikita na magiging mapayapang lugar at magandang tirahan ito. Itoʼy magiging parang toldang matibay, na ang mga tulos ay hindi mabunot at ang mga tali ay hindi malagot. ²¹ Ipapakita rito sa atin ng Panginoon na siyaʼy makapangyarihan. Ang Jerusalem ay parang isang lugar na may malawak na ilog at batis, na hindi matatawid ng mga sasakyan ng mga kaaway. ²² Gagawin ito ng Panginoon dahil siya ang ating hukom, mambabatas,^[a] at hari. Siya ang magliligtas sa atin.