Isaias 33:4-6

Ang Biblia, 2001

⁴ at ang iyong samsam ay tinitipon na gaya nang pagtitipon ng mga uod;
    kung paanong ang mga balang ay lumulukso, gayon niluluksuhan ito ng mga tao.
⁵ Ang Panginoon ay dinakila, sapagkat sa mataas siya'y tumatahan,
    kanyang pupunuin ang Zion ng katarungan at katuwiran;
⁶ at siya ang magiging katatagan ng iyong mga panahon,
    kalakasan ng kaligtasan, karunungan at kaalaman;
    ang takot sa Panginoon ay kanyang kayamanan.