Isaias 35:4-6

Magandang Balita Biblia (with Deuterocanon)

⁴Ito ang sabihin sa pinanghihinaan ng loob:
    “Huwag kang matakot, lakasan mo ang iyong loob!
    Darating na ang Diyos,
    at ililigtas ka sa mga kaaway.”

⁵Ang^(A) mga bulag ay makakakita,
    at makakarinig ang mga bingi.
⁶Ang mga pilay ay lulundag na parang usa,
    aawit sa galak ang mga pipi.
Mula sa kaparangan ay aagos ang tubig,
    at dadaloy sa disyerto ang mga batis.