Isaias 40:22-24

Ang Salita ng Dios (Tagalog Contemporary Bible)

²² Nilikha ito ng Dios na nakaupo sa kanyang trono sa itaas ng mundo. Sa paningin niya, ang mga tao sa ibaba ay parang mga tipaklong lamang. Iniladlad niya ang langit na parang kurtina, o parang isang tolda para matirhan. ²³ Inaalis niya sa kapangyarihan ang mga pinuno ng mundo at ginagawang walang kwenta. ²⁴ Para silang mga tanim na bagong tubo na halos hindi pa nagkauugat. Hinipan sila ng Panginoon at biglang nalanta at tinangay ng buhawi na parang ipa.