Isaias 42:10-12

Ang Biblia, 2001

¹⁰ Umawit kayo sa Panginoon ng bagong awit,
    at ng kapurihan niya mula sa dulo ng lupa!
Kayong bumababa sa dagat at ang lahat na nariyan,
    ang mga pulo, at mga doon ay naninirahan.
¹¹ Maglakas ng kanilang tinig ang ilang at ang mga bayan niyon,
    ang mga nayon na tinitirhan ng Kedar;
umawit ang mga naninirahan sa Sela,
    magsigawan sila mula sa mga tuktok ng mga bundok.
¹² Magbigay-luwalhati sila sa Panginoon,
    at magpahayag ng kanyang kapurihan sa mga pulo.