Isaias 45:12-14
Magandang Balita Biblia (with Deuterocanon)
12 Ako ang lumikha ng buong daigdig,
pati mga taong doo'y tumatahan.
Maging ang kalangitan, ako ang nagladlad,
ako ang may kapangyarihan sa araw, buwan at mga bituin.
13 Ako ang tumawag kay Ciro upang isagawa ang aking layunin at isaayos ang lahat ng bagay.
Aking tutuwirin ang kanyang daraanan;
muli niyang itatayo ang Jerusalem na aking lunsod,
at kanyang palalayain ang aking bayan.
Walang sinumang nagbayad o nanuhol sa kanya upang ito'y isagawa.”
Ang Makapangyarihang si Yahweh ang nagsabi nito.
14 Ang sabi ni Yahweh sa Israel,
“Mapapasaiyo ang kayamanan ng Egipto at Etiopia.
Magiging alipin mo ang matatangkad na lalaki ng Seba;
sila'y magiging sunud-sunuran sa iyo.
Yuyukuran ka nila at sasabihin:
‘Sumasaiyo ang Diyos, siya lamang ang Diyos at wala nang iba pa.’”