Isaias 45:14-16

Magandang Balita Biblia

¹⁴ Ang sabi ni Yahweh sa Israel,
“Mapapasaiyo ang kayamanan ng Egipto at Etiopia.
    Magiging alipin mo ang matatangkad na lalaki ng Seba;
    sila'y magiging sunud-sunuran sa iyo.
Yuyukuran ka nila at sasabihin:
    ‘Sumasaiyo ang Diyos, siya lamang ang Diyos at wala nang iba pa.’”
¹⁵ Ang Diyos ng Israel ang Tagapagligtas ng kanyang bayan;
    mahiwaga siya kaya hindi kayang unawain.
¹⁶ Hahamakin at mapapahiya
    ang lahat ng gumagawa ng mga diyus-diyosan.