Isaias 45:22-24

Ang Biblia, 2001

²² “Kayo'y bumaling sa akin, at kayo'y maliligtas,
    lahat ng dulo ng lupa!
    Sapagkat ako'y Diyos, at walang iba liban sa akin.
²³ Aking^(A) isinumpa sa aking sarili,
    mula sa aking bibig ay lumabas sa katuwiran,
    ang isang salita na hindi babalik:
‘Na sa akin ay luluhod ang bawat tuhod,
    bawat dila ay susumpa.’

²⁴ “Kanyang sasabihin sa Panginoon lamang,
    ang katuwiran at kalakasan,
    iyon ang sasabihin tungkol sa akin;
    sa kanya'y magsisiparoon ang mga tao,
    at ang lahat ng nagagalit sa kanya ay mapapahiya.