Isaias 48:10-12

Magandang Balita Biblia (with Deuterocanon)

¹⁰ Sinubok ko kayo sa pamamagitan ng kahirapan,
    kung paanong ang pilak ay dinadalisay sa apoy;
ngunit kayo'y napatunayang hindi nararapat.
¹¹ Ang ginawa ko'y para na rin sa sariling kapakanan,
    paghamak sa ngalan ko'y hindi ko pahihintulutan.
Ang karangalan ko'y tanging akin lamang,
    walang makakahati kahit na sinuman.”

¹² Sinabi^(A) ni Yahweh,
“Makinig ka sa akin, O Israel, bayang aking hinirang!
Ako lamang ang Diyos;
    ako ang simula at ang wakas.