Isaias 48:13-15

Ang Salita ng Dios (Tagalog Contemporary Bible)

¹³ Ako ang naglagay ng pundasyon ng mundo at ako rin ang nagladlad ng langit. Kapag nag-utos ako sa mga ito, itoʼy sumusunod.

¹⁴ “Magtipon kayong lahat at makinig: Sino sa mga dios-diosan ang humulang lulusubin ng aking kaibigan^[a] ang Babilonia para sundin ang ipinapagawa ko laban sa bansang iyon? Wala! ¹⁵ Ako ang nagsabi sa kanya at ako rin ang tumawag sa kanya. Sinugo ko siya at pinagtagumpay sa kanyang ginawa.