Isaias 48:2-4

Magandang Balita Biblia (with Deuterocanon)

²Ipinagmamalaki ninyong kayo'y nakatira sa banal na lunsod;
at kayo'y umaasa sa Diyos ng Israel;
ang pangalan niya ay Yahweh na Makapangyarihan sa lahat.

³Sinabi ni Yahweh sa Israel,
“Noong una pa'y alam ko na kung ano ang mangyayari. Pagkatapos ay bigla ko itong isinakatuparan.
⁴Alam kong matitigas ang inyong ulo,
may leeg na parang bakal at noo na parang tanso.