Isaias 49:16-18

Ang Salita ng Dios (Tagalog Contemporary Bible)

¹⁶ “O Jerusalem, hinding-hindi kita malilimutan. Isinulat ko ang pangalan mo sa aking mga palad. Palagi kong iniisip na maitayong muli ang iyong mga pader. ¹⁷ Malapit nang dumating ang muling magtatayo sa iyo,^[a] at ang mga nagwasak sa iyo ay paaalisin na. ¹⁸ Tingnan mo ang iyong paligid; nagtitipon na ang iyong mga mamamayan para umuwi sa iyo. At bilang Dios na buhay, sumusumpa akong ipagmamalaki mo sila katulad ng pagmamalaki ng nobyang ikakasal sa mga alahas na kanyang suot-suot.