Isaias 49:9-11

Ang Biblia, 2001

⁹ na sinasabi sa mga bilanggo, ‘Kayo'y magsilabas;’
    sa mga nasa kadiliman, ‘Magpakita kayo.’
Sila'y magsisikain sa mga daan,
    at ang lahat ng bukas na kaitaasan ay magiging kanilang pastulan.
¹⁰ Sila'y^(A) hindi magugutom, o mauuhaw man;
    at hindi rin sila mapapaso ng maiinit na hangin ni sasaktan man sila ng araw.
Sapagkat siyang may awa sa kanila ang sa kanila ay papatnubay,
    at aakayin sila sa tabi ng mga bukal ng tubig.
¹¹ At aking gagawing daan ang lahat ng aking mga bundok,
    at ang aking mga lansangan ay patataasin.