Isaias 5:19-21

Magandang Balita Biblia (with Deuterocanon)

¹⁹ Sinasabi ninyo: “Pagmadaliin natin ang Diyos
    upang ating makita ang kanyang pagkilos;
maganap na sana ang plano ng Banal na Diyos ng Israel,
    nang ito'y malaman natin.”
²⁰ Kawawa kayo, mga baligtad ang isip!
Ang mabuting gawa ay minamasama,
    at minamabuti naman iyong masama,
ang kaliwanaga'y ginagawang kadiliman
    at ang kadilima'y itinuturing na kaliwanagan.
Sa lasang mapait ang sabi'y matamis,
    sa lasang matamis ang sabi'y mapait.
²¹ Kawawa rin kayo, mga nag-aakalang kayo'y marurunong,
    at matatalino sa inyong sariling palagay!