Isaias 5:25-27

Magandang Balita Biblia

²⁵ Kaya dahil sa laki ng galit ni Yahweh, paparusahan niya ang kanyang sariling bayan.
    Mayayanig ang mga bundok;
mga bangkay ay mangangalat na parang mga basurang
    sa lansanga'y sasambulat.
Ngunit ang poot niya'y hindi pa mawawala,
    kanyang mga kamay handa pa ring magparusa.

²⁶ Huhudyatan niya ang isang malayong bansa,
    tatawagin niya ito mula sa dulo ng lupa;
at mabilis naman itong lalapit.
²⁷ Isa man sa kanila'y hindi mapapagod
    o makakatulog o madudulas;
walang pamigkis na maluwag
    o lagot na tali ng sandalyas.