Isaias 51:13-15

Ang Biblia (1978)

¹³ At iyong kinalimutan ang Panginoon na May-lalang sa iyo, na ^(A)nagladlad ng mga langit, at naglalagay ng mga patibayan ng lupa; at ikaw ay natatakot na lagi buong araw dahil sa pusok ng mamimighati, pagka siya'y nagmamadali upang gumiba? at saan nandoon ang pusok ng mamimighati?

¹⁴ Ang bihag na tapon ay madaling bibitawan; ^(B)at hindi mamamatay at bababa sa hukay, o magkukulang man ang kaniyang tinapay.

¹⁵ Sapagka't ako ang Panginoon mong Dios, ^(C)na nagpapahugong sa dagat, na ang mga alon niyao'y humuhugong: ang Panginoon ng mga hukbo ay siyang kaniyang pangalan.