Isaias 53:8-10

Ang Biblia (1978)

⁸ Sa pamamagitan ng kapighatian at kahatulan ay dinala siya: at tungkol sa kaniyang lahi, ^(A)sino sa kanila ang gumunita na siya'y nahiwalay sa lupain ng buhay? dahil sa pagsalangsang ng aking bayan ay nasaktan siya.

⁹ At ginawa nila ang kaniyang libingan na kasama ng mga masama, at kasama ^(B)ng isang lalaking mayaman sa kaniyang kamatayan; bagaman ^(C)hindi siya gumawa ng pangdadahas, o wala mang anomang karayaan sa kaniyang bibig.

¹⁰ Gayon ma'y kinalugdan ng Panginoon na mabugbog siya; inilagay niya siya sa pagdaramdam: pagka iyong gagawin ang kaniyang kaluluwa na pinakahandog dahil sa kasalanan, ^(D)makikita niya ang kaniyang lahi, ^(E)pahahabain niya ang kaniyang mga kaarawan, at ang pagkalugod ng Panginoon ay lalago sa kaniyang kamay.