Isaias 59:13-15

Magandang Balita Biblia (with Deuterocanon)

¹³ Naghimagsik kami sa iyo, O Yahweh, at itinakwil ka namin
    at hindi na sumunod sa iyo.
Ang sinasabi namin ay pawang pang-aapi at pagtataksil;
    ang inuusal ng aming mga bibig ay mga kasinungalingan, na katha ng aming mga isip.
¹⁴ Itinakwil namin ang katarungan
    at lumayo kami sa katuwiran.
Ang katotohanan ay nahandusay sa mga liwasang-bayan,
    at hindi makapanaig ang katapatan.
¹⁵ Hindi matagpuan ang katotohanan,
    kaya nanganganib ang buhay ng mga tao, na ayaw gumawa ng kasamaan.

Nang makita ni Yahweh na wala nang katarungan,
    siya ay nalungkot.