Isaias 59:5-7

Magandang Balita Biblia

⁵ Mga itlog ng ahas ang kanilang pinipisa,
    mga sapot ng gagamba ang kanilang hinahabi.
Sinumang kumakain ng itlog na ito'y mamamatay;
    bawat napipisa ay isang ulupong ang lumilitaw.
⁶ Hindi magagawang damit ang mga sapot,
    hindi nito matatakpan ang kanilang mga katawan.
Ang mga ginagawa nila'y kasamaan,
    pawang karahasan ang gawa ng kanilang mga kamay.
⁷ Mabilis^(A) ang kanilang paa sa paggawa ng masama,
    nagmamadali sila sa pagpatay ng mga walang sala;
pawang kasamaan ang kanilang iniisip.
    Bakas ng pagkawasak ang kanilang iniiwan sa kanilang malalawak na lansangan.