Isaias 63:2-4

Magandang Balita Biblia (with Deuterocanon)

² “Bakit pula ang iyong suot?
    Tulad ng damit ng nagpipisa ng ubas upang gawing alak?”
³ Ang^(A) sagot ni Yahweh: “Pinisa ko ang mga bansa na parang ubas,
    wala man lang tumulong sa akin;
tinapakan ko sila sa tindi ng aking galit,
    kaya natigmak sa dugo ang aking damit.
⁴ Nagtakda na ako ng araw upang maghiganti,
    sapagkat dumating na ang panahon ng aking pagliligtas.