Isaias 64:2-4

Magandang Balita Biblia

² Sila'y manginginig na parang tubig na kumukulo sa init ng apoy.
Ipakita mo ang iyong kapangyarihan sa iyong mga kaaway,
    upang manginig ang mga bansa sa iyong harapan.
³ Nang ikaw ay dumating sa nakaraang panahon, gumawa ka ng mga bagay na nakakapangilabot na hindi namin inaasahan;
    ang mga bundok ay nanginig sa takot nang ikaw ay makita.
⁴ Sangkatauhan^(A) ay wala pang nakikita
    o naririnig na Diyos maliban sa iyo;
    ikaw na tumutugon sa mga dalangin ng mga umaasa sa iyo.