Isaias 64:4-6

Magandang Balita Biblia (with Deuterocanon)

⁴ Sangkatauhan^(A) ay wala pang nakikita
    o naririnig na Diyos maliban sa iyo;
    ikaw na tumutugon sa mga dalangin ng mga umaasa sa iyo.
⁵ Tinatanggap mo ang mga taong nagagalak gumawa ng tama;
    at sila na sa iyo'y nakakaalala sa nais mong maging buhay nila.
Ngunit kapag patuloy kaming nagkakasala, ikaw ay nagagalit.
    At sa kabila ng iyong poot, patuloy kami sa paggawa ng masama.
⁶ Lahat tayo'y naging marumi sa harapan ng Diyos;
    ang mabubuting gawa nati'y maruruming basahan ang katulad.
Nalanta na tayong lahat gaya ng mga dahon;
    tinatangay tayo ng malakas na hangin ng ating kasamaan.