Isaias 65:12-14

Ang Salita ng Dios (Tagalog Contemporary Bible)

¹² Kaya inilaan ko sa inyong lahat ang kapalarang mamamatay. Sapagkat nang tumawag ako, hindi kayo sumagot; nang nagsalita ako, hindi kayo nakinig. Gumawa kayo ng masama sa harapan ko; kung ano ang ayaw ko, iyon ang ginagawa ninyo. ¹³ Kaya ako, ang Panginoong Dios ay nagsasabing, ang aking mga lingkod ay kakain at iinom, pero kayoʼy magugutom at mauuhaw. Matutuwa sila, pero kayoʼy mapapahiya. ¹⁴ Aawit sila sa tuwa, pero kayoʼy iiyak sa lungkot at sama ng loob.