Isaias 7:20-22

Ang Salita ng Dios (Tagalog Contemporary Bible)

²⁰ Sa araw na iyon, gagamitin ng Panginoon ang hari ng Asiria para lubusang wasakin ang inyong lupain. Magmimistula siyang isang barbero na galing sa kabila ng Ilog ng Eufrates na binayaran para ahitin ang inyong buhok, balahibo, at balbas.

²¹ Sa panahong iyon, ang maaalagaan lamang ng bawat tao ay tig-iisang dumalagang baka at dalawang kambing, ²² na siyang pagkukunan nila ng gatas. Keso^[a] at pulot ang magiging pagkain ng lahat ng naiwan sa Juda.