Isaias 9:4-6

Ang Biblia (1978)

⁴ Sapagka't ang pamatok na kaniyang ^(A)pasan, at ang pingga sa kaniyang balikat, ang panghampas ng mamimighati sa kaniya, ay iyong sinira na gaya sa kaarawan ng ^(B)Madian.

⁵ Sapagka't ang lahat na sakbat ng nasasakbatang tao sa kaguluhan, at ang mga kasuutang puno ng dugo ay magiging para sa pagkasunog, para sa mitsa ng apoy.

⁶ Sapagka't sa atin ay ipinanganak ang ^(C)isang bata, sa atin ay ibinigay ang isang ^(D)anak na lalake; at ang ^(E)pamamahala ay maaatang sa kaniyang balikat: at ang kaniyang pangalan ay tatawaging ^(F)Kamanghamangha, Tagapayo, Makapangyarihang Dios, Walang hanggang Ama, ^(G)Pangulo ng Kapayapaan.