Jenèz 9:2-4

Haitian Creole Version

² Se pou tout zannimo sou latè, tout zwazo ki nan syèl la, tout bèt vivan ki sou latè, tout pwason ki nan lanmè bese tèt devan nou. Se pou yo pè nou. Mwen ban nou pouvwa sou yo tout.

³ Koulye a, nou gen dwa manje tout kalite bèt vivan k'ap mache, tout kalite fèy vèt. Mwen ban nou tout pou manje.

⁴ Tansèlman, se pa pou n' manje vyann ak tout san ladan l', paske san yon bèt se nanm li.