Jeremias 13:15-17

Ang Biblia, 2001

¹⁵ Dinggin ninyo at bigyang-pansin, huwag kayong maging palalo,
    sapagkat nagsalita ang Panginoon.
¹⁶ Luwalhatiin ninyo ang Panginoon ninyong Diyos,
    bago siya magpadilim,
bago matisod ang inyong mga paa
    sa mga madilim na bundok,
at habang kayo'y naghahanap ng liwanag,
    ay gagawin niya itong anino ng kamatayan
    at gagawin niya itong pusikit na kadiliman.
¹⁷ Ngunit kung hindi kayo makikinig,
    ang aking kaluluwa ay lihim na iiyak dahil sa inyong kapalaluan;
at ang mga mata ko ay iiyak nang mapait at dadaluyan ng mga luha,
    sapagkat ang kawan ng Panginoon ay dinalang-bihag.