Jeremias 14:20-22

Magandang Balita Biblia

²⁰ Yahweh, kinikilala namin ang aming kasamaan,
    at ang pagtataksil ng aming mga magulang;
    kaming lahat ay nagkasala sa iyo.
²¹ Huwag mo kaming itakwil, alang-alang sa iyong pangalan;
    huwag mong itulot na mapahiya ang Jerusalem,
    ang kinalalagyan ng marangal mong trono.
Alalahanin mo ang ating kasunduan; huwag mo sana itong sirain.
²² Hindi makakagawa ng ulan ang mga diyus-diyosan ng alinmang bansa;
    hindi makapagpapaambon man lamang ang mga langit.
Nasa iyo, O Yahweh, ang aming pag-asa,
    sapagkat ikaw lamang ang makakagawa ng mga bagay na ito.