Jeremias 14:4-6

Magandang Balita Biblia (with Deuterocanon)

⁴ sapagkat bitak-bitak na ang lupa.
    Tuyung-tuyo na ang lupain dahil hindi umuulan,
nanlupaypay ang mga magbubukid,
    kaya sila'y nagtalukbong na lang ng mukha.
⁵ Iniwan na ng inahing usa ang kanyang anak na bagong silang,
    sapagkat wala ng sariwang damo sa parang.
⁶ Umakyat sa mga burol ang mga asnong maiilap,
    humihingal na parang mga asong-gubat;
nanlalabo ang kanilang paningin
    dahil sa kawalan ng pagkain.