Jeremias 15:16-18

Ang Biblia, 2001

¹⁶ Ang iyong mga salita ay natagpuan, at aking kinain;
    at sa ganang akin ang iyong mga salita ay katuwaan
    at kagalakan ng aking puso,
sapagkat ako'y tinatawag sa iyong pangalan, O Panginoon, Diyos ng mga hukbo.
¹⁷ Hindi ako umupo sa kapulungan ng mga nagsasaya,
    ni nagalak man ako;
ako'y naupong mag-isa sapagkat ang iyong kamay ay nakapatong sa akin,
    sapagkat pinuno mo ako ng galit.
¹⁸ Bakit hindi tumitigil ang aking kirot,
    at ang aking sugat ay walang lunas,
    at ayaw mapagaling?
Ikaw ba'y magiging parang mandarayang batis sa akin,
    parang tubig na nauubos?