Jeremias 17:15-17

Magandang Balita Biblia (with Deuterocanon)

¹⁵ Sinasabi sa akin ng mga tao, “Nasaan ang mga banta ni Yahweh laban sa amin? Bakit hindi niya ito gawin ngayon?”

¹⁶ Hindi ko hiniling na parusahan mo sila, o ninais na sila'y mapahamak. Yahweh, nalalaman mo ang lahat ng ito; alam mo kung ano ang aking mga sinabi. ¹⁷ Huwag mo sana akong takutin; ikaw ang kublihan ko sa panahon ng kagipitan.