Jeremias 2:26-28

Ang Biblia, 2001

²⁶ “Kung paanong ang isang magnanakaw ay napapahiya kapag nahuhuli,
    gayon mapapahiya ang sambahayan ni Israel;
sila, ang kanilang mga hari, ang kanilang mga pinuno,
    ang kanilang mga pari, at ang kanilang mga propeta,
²⁷ na nagsasabi sa punungkahoy, ‘Ikaw ay aking ama;’
    at sa bato, ‘Ipinanganak mo ako.’
Sapagkat sila'y tumalikod sa akin,
    at hindi ang kanilang mukha.
Ngunit sa panahon ng kanilang kaguluhan ay sinasabi nila,
    ‘Bumangon ka at iligtas mo kami!’
²⁸ Ngunit nasaan ang iyong mga diyos
    na ginawa mo para sa iyo?
Hayaan mo silang magsibangon, kung maililigtas nila kayo
    sa panahon ng iyong kaguluhan,
sapagkat kung gaano karami ang iyong mga bayan
    ay gayon ang iyong mga diyos, O Juda.