Jeremias 20:11-13

Magandang Balita Biblia

¹¹ Subalit ikaw, Yahweh, ay nasa panig ko,
    tulad sa malakas at makapangyarihang mandirigma;
mabibigo ang lahat ng umuusig sa akin,
    mapapahiya sila at hindi magtatagumpay kailanman.
Hindi na makakalimutan ang kanilang kahihiyan habang panahon.
¹² Makatarungan ka kung sumubok sa mga tao, Yahweh, na Makapangyarihan sa lahat,
    alam mo ang laman ng kanilang mga puso't isip.
Kaya ikaw ang maghiganti sa mga kaaway ko,
    ipinagkakatiwala ko sa mga kamay mo ang aking kapakanan.
¹³ Awitan ninyo si Yahweh,
    siya'y inyong papurihan,
sapagkat inililigtas niya ang mga api mula sa kamay ng mga gumagawa ng kasamaan.