Jeremias 20:13-15

Ang Biblia, 2001

¹³ Magsiawit kayo sa Panginoon,
    purihin ninyo ang Panginoon!
Sapagkat kanyang iniligtas ang kaluluwa ng nangangailangan
    mula sa kamay ng mga manggagawa ng kasamaan.

¹⁴ Sumpain^(A) ang araw
    na ako'y ipinanganak!
Ang araw na ako'y isinilang ng aking ina,
    huwag nawa itong basbasan!
¹⁵ Sumpain ang tao
    na nagdala ng balita sa aking ama,
“Isang lalaki ang ipinanganak sa iyo,”
    na kanyang ikinagalak.