Jeremias 20:14-16

Ang Biblia, 2001

¹⁴ Sumpain^(A) ang araw
    na ako'y ipinanganak!
Ang araw na ako'y isinilang ng aking ina,
    huwag nawa itong basbasan!
¹⁵ Sumpain ang tao
    na nagdala ng balita sa aking ama,
“Isang lalaki ang ipinanganak sa iyo,”
    na kanyang ikinagalak.
¹⁶ Ang lalaki nawang iyon ay maging gaya ng mga lunsod
    na walang awang giniba ng Panginoon,
at makarinig nawa siya ng daing sa umaga,
    at babala sa katanghaliang-tapat;