Jeremias 23:13-15

Magandang Balita Biblia

¹³ “Malaking kasalanan ang nakita kong ginagawa ng mga propeta sa Samaria:
    Sila'y nanghuhula sa pangalan ni Baal
    at inililigaw ang Israel na aking bayan.
¹⁴ Ngunit^(A) mas lalo pang kasuklam-suklam ang namasdan ko sa mga propeta sa Jerusalem:
    Sila'y nangangalunya at mga sinungaling,
    pinapalakas pa nila ang loob ng gumagawa ng masama,
    kaya wala nang tumatalikod sa kanyang masamang gawa.
Naging katulad na sila ng mga taga-Sodoma at Gomorra.”

“Halamang mapait ang ipapakain ko sa kanila
    at tubig na may lason naman ang kanilang iinumin,
sapagkat lumaganap na sa buong lupain ang kawalan ng pagkilala sa Diyos, dahil sa mga propeta sa Jerusalem.”